أنا فاهمة إن الكتلة بالكيلوجرام والوزن بالنيوتن، لكن مش مستوعبة ليه جسم كتلته 60 كجم يفضل 60 كجم على القمر وفي نفس الوقت وزنه يبقى السدس. ممكن حد يشرح الفكرة بمثال رقمي؟
الكتلة مقدار المادة في الجسم وهي كمية قياسية ثابتة مهما اتغير المكان. الوزن هو قوة جذب الأرض (أو أي كوكب) للجسم، وهو كمية متجهة وبيتحسب من W = m × g.
مثال رقمي:
على الأرض: g = 9.8 م/ث² ⟶ W = 60 × 9.8 = 588 نيوتن
على القمر: g = 1.6 م/ث² ⟶ W = 60 × 1.6 = 96 نيوتن
الكتلة فضلت 60 كجم في الحالتين، اللي اتغير هو g.
Kareem Adel
ملحوظة مهمة للامتحان: في حالة السقوط الحر أو داخل مركبة فضائية بيحصل انعدام وزن ظاهري، ودي مش معناها إن الوزن بقى صفر فعلاً — الجاذبية لسه شغالة، بس القوة العمودية على الجسم بقت صفر فمفيش إحساس بالوزن.
Mostafa Gamal
طريقة تخليك تفتكريها: الميزان ذو الكفتين بيقيس كتلة (بيقارن بين جسمين في نفس المجال) فبيدي نفس القراءة على القمر. أما الميزان الزنبركي فبيقيس قوة، يعني بيقيس وزن، فقراءته بتقل على القمر.
The best answer above stays free to read, always. A free account opens the rest of the thread — and lets you ask your own.
Create a free accountAlready have an account? Sign in